A falsa lenda negra da Costa da Morte

A Costa da Morte, un lugar maldito para os mariñeiros. 

452 buques afundíronse nesa costa desde a Idade Media

Foi unha escritora inglesa a que acuñou o nome de 'Costa da Morte'

A prensa iniciou a lenda sobre 'mafias' que atraían os barcos á costa

Un gato foi o único tripulante dun barco que encallou en Bergantiños

Xurxo Salgado | Santiago de Compostela

Actualizado domingo 12/02/2012 11:29 horas

Diminúe o tamaño do texto

Aumenta o tamaño do texto

Entre a ría de Muros-Noia e a de Bergatiños, na Coruña, esténdese unha das costas máis sinuosas e perigosas de toda a Peninsula. É un lugar cheo de lendas e do que os barcos prefiren fuxir en época de temporais. Ese pezado de mar que entra na terra, ou esa terra que pica e enbrutece o mar, é coñecido como a Costa da Morte.

Preto de 100 quilómetros de costa que teñen o triste récord de naufraxios de Galicia: 452 desde a Idade Media e un total de 927. E iso, sen ter en conta os que se descoñecen e os da época do corso marítimo do século XVIII. Precisamente, o investigador Rafael Lema tentou aclarar as sombras que existen sobre as naves que atoparon nesta esquina do mundo o seu cemiterio.

[foto da noticia]

'Costa da Morte, un país de soños e naufraxios' é un libro que recolle e cataloga os naufraxios sucedidos nesta zona e no que tenta explicar o por que dunha lenda negra que non é tan negra. O nome da comarca non é galego, senón que foi acuñado pola escritora Annette Meaking, amiga de réinaa Vitoria, a muller do rei Alfonso XIII.

Sorprendida e arrepiada polos terribles naufraxios que ocorreran alí a finais do século XIX, acabou refiriendose a ela como 'Coast of Death'. Corría o ano 1908 e, a partir de entón, por influencia da prensa inglesa e madrileña empezóuselle a chamar 'Costa da Morte'.

Durante o último cuarto do século XIX e o primeiro do século XX producíronse graves naufraxios que afectaron principalmente á mariña inglesa e que acrecentaron a lenda negra da zona. Primeiro, en 1870, co afundimento en alta mar do 'Captain' da Royal Navy. Uns anos máis tarde, en 1890, co 'Serpent', un buque escola tamén da Mariña inglesa. Foron dous dos accidentes que máis vítimas provocaron na historia naval de Galicia, o primeiro con 487 e o segundo con 175 falecidos.