“Esconxuro  para a queimada”

-“Lume lumiña que verde camiña

a fraga á lareira e faise lumieira.

Lume de quentura; para a nosa fartura,

lume benzoada, que arrodea á queimada.

-Píngota de orvallo en folla de carballo;

auga do fervedeiro para a masa do forneiro;

cerqueira de lume sen trasno nin fume,

nin bruxa chuchona, nin meiga dentona.

-Rolar muiñeiro, chiscar faisqueiro,

Moxena lumiosa, vagalume rosa,

Arco das vellas que aleda ás nenas;

Raioliña do lusco que morre no fusco.

-Viradoira lus, fagámo-la crus:

polo ar da sorte que escorrenta á norte.

Pola auga da vida que sanda a ferida

pola herba moura que busca a tesoura.

Pola pedra do raio que mata ó meigallo.

-Lume, lume, lume, lume lumeada,

para aloumiñar a queima queimada,

Na vira virada deste borbullar

-Polo San Silvestre de pau de alcipreste;

chaga de San Roque, can e palitroque;

polo San Andrés e polo San Iago,

Nun revira vés … , queimada te fago

e queimada és!